പെരുങ്കായത്തിന്റെ ഔഷധ ഗുണങ്ങൾ

ഭക്ഷണത്തിൽ നമ്മൾ പെരുങ്കായം നിത്യവും ഉപയോഗിക്കുന്നതാണ്. ഭക്ഷണത്തിന് രുചിക്കൊപ്പം തന്നെ ഒരുപാടു ഔഷധഗുണങ്ങൾ നൽകുന്നതാണ് പെരുങ്കായം. മോണയെയും പല്ലിനെയും സംബന്ധിക്കുന്ന രോഗങ്ങൾ , തേൾവിഷം ഉൾപ്പടെയുള്ള വിഷകടികൾ, വിരശല്യം, ദഹനക്കുറവ്, വാതരോഗങ്ങൾ, അതിസാരം, ഗ്രഹണി, സ്ത്രീകളിൽ യോനീ സംബന്ധ രോഗങ്ങൾ, എട്ട് തരത്തിൽപെട്ട ഗുന്മം അധവാ അൾസർ, ഉദരത്തിലെ നീർകെട്ടുകൾ, ഗർഭാശയ പഴുപ്പുകൾ, ആർത്തവദോഷങ്ങൾ, കഫശല്യം, കഠിനമായ വയറുവേദനകൾ എന്നിവക്കെല്ലാം പെരുങ്കായം ഭക്ഷണമോ ഔഷധമോ ആയി സേവിച്ചാൽ ഫലം ലഭിക്കും എന്ന് പദാർത്ഥഗുണ ചിന്താമണി എന്ന സിദ്ധ ഗ്രന്ഥത്തിൽ വിവരിച്ചിട്ടുണ്ട്.